VENI CREATOR SPIRITUS Y REGINA COELI EN LATÍN

VENI CREATOR SPIRITUS

Veni Creator Spiritus,

Mentes tuorum visita,

Imple superna gratia,

Quae tu creasti, pectora.

Qui diceris Paraclitus,

Altissimi donum Dei,

Fons vivus, ignis, caritas,

Et spiritalis unctio.

Tu septiformis munere,

Digitus Paternae dexterae,

Tu rite promissum Patris,

Sermone ditans guttura.

Accende lumen sensibus,

Infunde amorem cordibus,

Infirma nostri corporis,

Virtute firmans perpeti.

Hostem repellas longius,

Pacemque dones protinus;

Ductore sic te praevio,

Vitemus omne noxium.

Per te sciamus da Patrem

Noscamus atque Filium;

Teque utriusque Spiritum

Credamus omni tempore.

Deo Patri sit gloria,

Et Filio, qui a mortuis

Surrexit, ac Paraclito

In saecula saeculorum.

Amen.

V/. Emitte Spiritum tuum, et creabuntur, alleluia.

R/. Et renovabis faciem terrae, alleluia.

Oremus

Deus qui corda fidelium Sancti Spiritus illustratione docuisti: da nobis in eodem Spiritu recta sapere; et de ejus semper consolatione gaudere. Per Christum Dominum nostrum. Amén.

REGINA COELI LATÍN

V: Regina caeli, laetare, R. alleluia.

V: Quia quem meruisti portare, R. alleluia.

V: Resurrexit, sicut dixit, R. alleluia.

V: Ora pro nobis Deum, R. alleluia.

V: Gaude et laetare Virgo María, R. alleluia.

V: Quia surrexit Dominus vere, R. alleluia.

Oremus:

Deus, qui per resurrectionem Filii tui, Domini nostri Iesu Christi, mundum laetificare dignatus es: praesta, quaesumus; ut, per eius Genetricem Virginem Mariam, perpetuae capiamus gaudia vitae. Per eundem Christum Dominum nostrum. Amen.